اسلام آباد ۔ 17 اپریل (اے پی پی) وفاقی وزیر برائے صنعت و پیداوار حماد اظہر آکھیے جو وزیر اعظم ولوں ڈھائی ارب روپے دا رمضان ریلیف پیکج شروع کرڈتے،ذخیرہ اندوزاں دے خلاف سخت کارروائی دا قانون گھدی آندے ہیں، ذخیرہ اندوزی دا منیجر نئیں مالک ذمہ دار ہوسی،قیمتاں تے کنٹرول دا نظام موجود اے۔اے گالھ انہاں اسلام آباد اچ جی نائن مرکز دے یوٹیلیٹی سٹوردا دورہ کرنڑ توں بعد میڈیا نال الویندے آکھی۔ انہاں آکھیا جویوٹیلٹی سٹورزکیتے سیل دا30 ارب دا ٹارگٹ رکھیے ،ایں سانگے یوٹیلیٹی سٹور کوں حکومت 50 ارب روپے ڈتن،ہنڑ پنج دی بجائے 19شئیں تے سبسڈی ڈتی ویندی پئی اے، موبائل یوٹیلیٹی اسٹورز وی بنڑیسوں،اندازہ اے جو رمضان اچ 80 لکھ توں ہک کروڑ گھرانے ایں سبسڈی توں فیدہ چیسن۔ انہاں آکھیے جو آئی ایم ایف دا رعائتی پیکج اے جیندے تے شرح سودگھٹ توں گھٹ ہوسی اتے ایندے نال معیشت کوں ٹیک ملسی،دیہی علاقیاں اچ 200 موبائل یوٹیلیٹی سٹورزبنڑیسوں،اتے یوٹیلیٹی اسٹورز کارپوریشن کوں بیا تکڑا کر تے ہک بہترین ادارہ بنڑایا ویسی۔
