اسلام آباد ۔ 7 اپریل (اے پی پی) کورونا وبائی چیلنج نال نبڑنڑ دے حوالے نال اعلیٰ سطحی اجلاس منگل کوں وزیر خارجہ شاہ محمود قریشی دی زیر صدارت وزارت خارجہ اچ منعقد تھیا۔ اجلاس اچ باہرلے ملکاں اچ وطن واپسی کیتے انتظار اچ پاکستانیاں دی مرحلہ وار وطن واپسی کوں ممکن بنڑاونڑ کیتے مختلف پہلواں دا جائزہ گھدا گیا ۔ اجلاس اچ وفاقی وزیر برائے ہوا بازی غلام سرور خان، معاون خصوصی برائے اوورسیز پاکستانیز سید ذوالفقار بخاری، معاون خصوصی برائے صحت ڈاکٹر ظفر مرزا، معاون خصوصی برائے نیشنل سیکورٹی ڈاکٹر معید یوسف، سی ای او شوکت خانم ڈاکٹر فیصل سلطان، اسپیشل سیکرٹری خارجہ معظم علی خان، سیکرٹری ہوا بازی ڈویژن حسن ناصر جامی، ترجمان وزارت خارجہ عائشہ فاروقی اتے وزارت خارجہ دے سینئر حکام سمیت اعلیٰ عسکری حکام وی شرکت کیتی۔ معاون خصوصی برائے صحت ڈاکٹر ظفر مرزا پاکستان اچ کووڈ 19 دی موجودہ صورتحال، ٹیسٹنگ دی سہولت اتے کوارنٹائین انتظامات دے حوالے نال مفصل بریفنگ ڈتی ۔ اجلاس اچ وزارت صحت، سول ایوی ایشن اتھارٹی، اورسیز ڈویژن، نیشنل انسٹی ٹیوٹ آف ہیلتھ، پی آئی اے اتے بئے متعلقہ اداریں توں ملنڑ آلیاں تجویزاں تے تفصیلی مشاورت کیتی گئی ۔وزیر خارجہ آکھیا جو اساڈی پہلی ترجیح وطن واپسی دے منتظر پاکستانیاں دی مرحلہ وار واپسی اے۔
