پارلیمانی کمیٹی کورونا وائرس بارے سارے سرگرمیاں کوں ڈیکھدی پئی اے،اوکھے ویلھے انسان دی حیثیت نال قومی جذبے دے نال ہک ڈوجھے دا خیال رکھنڑاں پمسی، سپیکر قومی اسمبلی اسد قیصر

اسلام آباد ۔ 3 اپریل (اے پی پی) سپیکر قومی اسمبلی اسد قیصر آکھیا جو پارلیمانی کمیٹی کورونا وائرس بارے سارے سرگرمیاں کوں ڈیکھدی پئی اے،اوکھے ویلھے انسان دی حیثیت نال قومی جذبے دے نال ہک ڈوجھے دا خیال رکھنڑاں پمسی۔جمعے کوں ہک نجی ٹی وی کوں انٹرویو اچ انہاں آکھیا جو پارلیمانی کمیٹی کورونا وائرس بارے سارے سرگرمیاں کوں ڈیکھدی پئی اے اتے جتھاں وی کوتاہی نظر امسی کمیٹی ایکشن گھنسی۔ہک سوال دے جواب اچ انہاں آکھیا جو پارلیمانی کمیٹی حکومت کوں مثبت تجویزاں ڈیسی۔معاشی مسئلے تے وی حکومت اپنڑی پالیسی پارلیمانی کمیٹی دے سامنڑے رکھیسی۔اسد قیصر آکھیا جو محکمہ صحت اتے ڈی جی این ایم ڈے اے کوں چھی اپریل کوں تھیونڑ آلی پارلیمانی کمیٹی اچ ملک دی اجوکی صورتحال تے بریفنگ سانگے سڈ گھدے۔حکومت اتے اپوزیشن چلدی رہسی،اجوکے حالات غیر معمولی ہن۔،اوکھے ویلھے انسان دی حیثیت نال قومی جذبے دے نال ہک ڈوجھے دا خیال رکھنڑاں پمسی۔