اسلام آباد ۔ 4 اپریل (اے پی پی) وزیر خارجہ مخدوم شاہ محمود دی زیر صدارت دفتر خارجہ اسلام آباد اچ ہک اجلاس تھئے جیندے اچ سیکرٹری خارجہ سہیل محمود اتے وزارت خارجہ دے سینئر افسران سودھا نیو یارک اچ پاکستان دے مستقل مندوب منیر اکرم اتے جنیوا اچ پاکستان دے مستقل مندوب خلیل ہاشمی بذریعہ ویڈیو لنک شریک تھین۔وزیر خارجہ آکھیا جو پاکستان کوں ایں ویلھے کئی چیلنجز ہین،پاکستان وی پورے جگ آلی کارکرونا دی وبا نال لڑدا پئے،بئے پاسو بھارت مقبوضہ جموں و کشمیر اچ انسانی حقوق دی پامالیاں ودھائی ویندے،اطلاع اے جو کرونا پاروں بھارتی مقبوضہ جموں اتے کشمیر اچ وی اموات تھین جیندے تے پاکستان کوں ودھ چنتا جو اتھاں لوک بدترین محاصرے اتے مظالم وات ہین۔شاہ محمود قریشی آکھیے جو اقوام عالم دی توجہ مقبوضہ جموں و کشمیر اچ محصور 80 لکھ بے گناہ کشمیریاں دی حالت زاردو ڈیواونڑ اتے انہاں کوں بھارتی ظلم توں نجات ڈیواونڑ دیاں کوششاں تیز کرنڑ دی لوڑھ اے ،بھارت ولوں مقبوضہ کشمیر اچ آبادیاتی تناسب دی تبدیلی عالمی قوانین ہی نئیں ،پاک بھارت معاہدیاں دی وی خلاف ورزی ہین،ساڈا مطالبہ اے جو بھارتی جیلاں اچ قید ،کشمیری رہنماواں اتے ہزاراں نینگراں کوں کرونا وبائی حملے توں بچاونڑ کیتے عالمی برادری انسانیت سانگے رہائی لو باھرت تے دباو سٹے۔انہاں اقوام متحدہ اتے جنیوااچ مستقل مندوبین کوں بھارتی جارحیت اتے کشمیر اچ ایندے ریاستی مظالم اقوام متحدہ سودھا بئے عالمی فورمز تے اگونہا کرنڑ تے زور ڈتے۔
