ڈاکٹرز، نرساں تے پیرامیڈیکل سٹاف دے بغیر اساں کورونا دے خلاف اے لڑائی نئی جت سگدے ، وزیر خارجہ شاہ محمود قریشی

اسلام آباد ۔ 2 اپریل (اے پی پی) وزیر خارجہ مخدوم شاہ محمود قریشی ڈاکٹرز، نرسا تے پیرا میڈیکل سٹاف دا شکریہ ادا کریندے ہوئیں آکھیے جو تساڈے بغیر کرونا وائرس دے خلاف اے لڑائی نئی جت سگدے تساں اساڈے ہیرو ہیوے۔ خمیس کوں موجودہ وبائی چیلنج دے حوالے نال اہم ویڈیو پیغام اچ وزیر خارجہ آکھیے جو ڈاکٹرز، نرساں ، پیرامیڈیکل سٹاف، تساڈا شکریہ ادا کریندون تساڈے بغیر اساں اے لڑائی نی جت سگدے تساں اساڈے ہیرو ہیوے۔ انہاں آکھیے جو اساڈی پولیس ، اساڈی فوج تساں جیرھا کردار ادا کریندے پیو پوری قوم تساکوں سلام پیش کریندی اے ۔ مخیر حضرات وی اوکھے ویلھے پاکستانی قوم کوں مایوس کائنی کیتا ، سیلاب ہووے ،زلزلہ ہووے تساں اپنڑاں بھرپور کردار ادا کیتے ،اج ہک واری ول امتحان دا سامنڑاں اے ۔تساں وزیراعظم دے ریلیف فنڈ اچ دل کھول تے عطیات جمع کراﺅ ۔ وزیر خارجہ عوام کوں الویندے ہوئیں آکھیے جو حکومت تساکوں ایں وبا توں بچنڑ کیتے ، سماجی فاصلے کوں برقرار رکھنڑ سمیت مختلف ہدایات ڈیندی پئی اے خدا کیتے انہاں تے عمل کرو اے احتیاط تساڈی حفاظت کوں یقینی بنڑاونڑ کیتے ضروری اے ۔