کرونا سوچ توں وی بہوں خطرناک اے،پابندیاں چاونڑ کیتے چھی معیارات وی پورے کرنڑے ہوسن،عالمی ادارہ صحت دی چتاونڑیں

نیویارک ۔ 14 اپریل (اے پی پی) عالمی ادارہ برائے صحت چتاونڑی ڈتی اے جو کرونا سوچ توں وی بہوں خطرناک اے،پابندیاں چاونڑ کیتے چھی معیارات وی پورے کرنڑے ہوسن۔عالمی ادارہ برائے صحت دے ڈائریکٹر جنرل ٹیڈروس ایڈہانوم گیبریسس آکھیے جو کجھ ملک کئی ہفتیاں توں معاشی و معاشرتی پابندیاں دا سامنڑا کریندے پین جو انہاں کوں چا گھدا ونجے بھل ایندے توں پہلے ضروری اے جو پابندیاں چزونڑ کیتے عالمی ادارہ صحت ولوں چھی معیارات تے وی پوریا اتریا ونجے۔انہاںا ٓکھیے جو ایندے اچ وبا دی موثر روک تھام اتے کنڑول کرسگنڑ،ڈوجھا صحت دا نظام ہر کیس دا پتہ لاونڑ ، جانچ کرنڑ، تشخیص کرنڑ اتے آئسولیٹ رکھنڑ دی صلاحیت ہووے، مخصوص ماحول اچ وبا کھنڈنڑ دا خطرہ گھٹ کرنڑجیویں نرسنگ ہومز وغیرہ ،چوتھا دفاتراتے بیاں کم کرنڑ دیاں جاہیں ،سکول و عوامی جاہیں تے ودھ احتیاطی تدابیرسودھا باھرو آونڑ آلے کیسز تے قابو پاونڑ اتے کمیونٹیز کوں حفاظتی تدابیر اتے وباتوںا ٓگاہی ڈیونڑ لازمی صلاحیت ہوونڑی چاہیدی اے۔