اسلام آباد ۔ 23 اپریل (اے پی پی)کورونا ریلیف فنڈ کیتے عطیات جمع کرنڑ لووزیراعظم ہاوس اچ پاکستان دی تاریخ دی سب توں وڈی خصوصی ”احساس ٹیلی تھون ”تھئی جیندے اچ وزیراعطم عمران خان وی شرکت کیتی۔ انہاں قوم توں اپیل کیتی جو ایں اوکھے ویلھے معاشرہ دے کمزور طبقات اتے مستحقین دی مدد کیتے دل کھول تے عطیات ڈتے ونجن،مخیر حضرات ودھ تے حکومت دا ہتھ ونڈاون۔اے ٹیلی تھان پی ٹی و ی، جیو ٹی وی ، دنیا، ہم ٹی وی، اے آر وائی، ایکسپریس، سودھا مختلف آن لائن پلیٹ فارمز توں وی نشر کیتی گئی۔ٹیلی تھون اچ معروف اینکرزشفا یوسفزئی، حامد میر، کامران شاہد، منصور علی خان، سمیع ابراہیم، محمد مالک، کاشف عباسی، منیبہ مزاری، ندیم ملک شرکت کیتی۔اینکرز ملکی تاریخ دی وڈی ٹیلی تھون تے تعریف کریندے ہوئے وزیراعظم عمران خان دے کرونا دے خلاف اقدامات کوں چنگاں قرار ڈتے جو پاکستانی قوم ہمیشہ مشکل دی ہر گھڑی اچ زبردست قومی جذبہ ڈکھائے، وزیر اعظم دی دیانت داری اتے سماجی شعبے اچ انہاں دی خدمات دا ہر کوئی معترف اے۔پروگرام اچ سابق کرکٹر جاوید میانداد، معروف سنگر علی ظفر، معروف فنکارہ بشری انصاری وی شرکت کیت۔ وزیراعظم عمران خان ریلیف فنڈدی تعریف کریندے عوام کوںا ٓکھیے جو او احتیاطی تدابیر اختیار کرن اتے فنڈ اچ دل کھول تے عطیات ڈیون۔ معروف کرکٹرز وسیم اکرم، وقار یونس سودھا سابق کرکٹ کمنٹیٹر افتخار احمد وی ٹیلی تھون اچ موجود ہن۔
