اسلام آباد ۔ 2 اپریل (اے پی پی) وزیر اعظم عمران خان آکھیے جو کورونا وائرس دی وباءدے پیش نظر مزدور طبقہ ساریں توں ودھ توجہ طلب اے تے حکومت انہاں کیتے خصوصی ریلیف ڈیندی پئی اے۔تعمیرات دے شعبے کوں مراعات ڈیونڑ نال روزگار دے موقع ودھ ویسن ، معیشت مضبوط تھیسی تے مزدور طبقے کوں ایں صورت حال اچ ریلیف مل ویسی ۔اے گال انہاں خمیس کوں کورونا وائرس دے پیش نظر معیشت تے پوونڑ آلے اثرات خصوصاً تعمیرات دے شعبے دے حوالے نال اعلیٰ سطح اجلاس دی صدارت کریندے ہوئیں آکھی اے ۔ اجلاس اچ وزیر معاشی امور حماد اظہر، وزیر منصوبہ بندی اسد عمر، وزیرفوڈ سیکورٹی مخدوم خسرو بختیار، مشیر خزانہ ڈاکٹر عبدالحفیظ شیخ، مشیر تجارت عبدالرزاق داود، مشیر ادارہ جاتی اصلاحات ڈاکٹر عشرت حسین، چیئرمین نیا پاکستان ہاوسنگ اتھارٹی لیفٹیننٹ جنرل (ر) انور علی حیدر، قائم مقام چیئرپرسن ایف بی آر نوشین جاوید امجد اتے سینئر افسران شرکت کیتی۔ اجلاس کوں برینفگ ڈیندے ہوئیں چیئرمین نیا پاکستان ہاوسنگ اتھارٹی ڈسائے جو تعمیرات سیکٹر دی بحالی کیتے ہک جامع پیکج ترتیب ڈتا گئے جیں اچ صوبیں نال مشاورت کیتی گئی اے ۔
