اسلام آباد ۔ 2 اپریل (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو ملک اچ لاک ڈاﺅن 14اپریل تئیں جاری رہسی۔کورونا وائرس پاروں 107 لوک ہنڑ تئیں صحت یاب تھی گئن ، پچھلے24گھنٹے اچ 76 کیس رپورٹ تھئن،کورونا وائرس پاروں31 لوکاںد ی موت تھئی اے ۔اے گال انہاں خمیس کوں اتھاں میڈیا کوں بریفنگ ڈیندے ہوئیں آکھی اے ۔ انہاں آکھیے جو پوری دنیا اچ کورونا وائرس نال ہنڑ تئیں 47 ہزار توں ودھ لوک جاں بحق تھئن ۔ پاکستان اچ کورونا وائرس دے 2291کیس رپورٹ تھئن ، گزریل 24گھنٹے اچ 76کیس رپورٹ تھئن ، ہنڑ تئیں ملک اچ 107لوک صحت یاب تھی گئن تے 31لوکاں دی موت تھئی اے ۔انہاں آکھیے اگر کہیں ڈے کورونا وائرس دے حل بارے تحقیق تے آئیڈیاز ہن تاں شیئر کرے۔کورونا وائرس متعلق مستند معلومات وزارت صحت کوں شیئر کرسگدن ۔ انہاں آکھیے جو دوائیں دی سپلائی اچ بہتری تے صفائی ستھرائی بارے مشورے ڈتے ونج سگدن ۔ عوام اپنڑے آئیڈیاز تے مشورے 12اپریل تئیں شیئر کرسگدن ۔
