کورونا وباءدے خلاف جنگ اچ ڈاکٹر ز ، طبی عملہ صف اول دے سپاہی ‘انہاں کوں خراج تحسین پیش کریندوں، ڈاکٹر فردوس عاشق اعوان دی جناح ہسپتال دورے دے موقع تے میڈیا نال گال مہاڑ

لاہور۔4 مارچ ( اے پی پی )وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو کورونا دے خلاف جنگ اچ ڈاکٹرز اتے طبی عملہ صف اول دے سپاہی ہن‘ایں وبا دے خلاف برسرپیکار سارے اہلکاراں کوں خراج تحسین پیش کریندوں‘مخیر حضرات ولوں جناح ہسپتال اچ پی سی آر لیب دا افتتاح لائق تحسین اے‘کورونا دے خلاف جنگ اجتماعی کوششاں اتے جذبے نال جتسوں ‘پسماندہ اتے مزدور طبقے کوں ریلیف ڈیونڑ اہم ترجیح اے ‘1200ارب روپے دا معاونت پیکج وزیراعظم ولوں عوام دوست سوچ دا مظہر اے‘ ہک کروڑلوکاں کوں مالی امداد ملنڑ دا عمل وختی شروع تھی ویسی ‘کورونا کوں سیاست کیتے استعمال کرنڑ آلیں کوں عوام مسترد کریسن ۔ اے گال انہاں ہفتے دے ڈینھ جناح ہسپتال دا دورہ کریندے ہوئیں میڈیا نال گال مہاڑ کریندے ہوئیں آکھی اے ۔ معاون خصوصی اطلاعات و نشرےات آکھیے جو ایں دورے دا مقصد وزیر اعظم عمران خان دی ہدایات دے مطابق کورونا دے خلاف جنگ اچ صف اول دے سپاہی ڈاکٹرز اتے طبی عملے دے نال اظہار یکجہتی کرنڑ ‘کورونا دی وباءترقی یافتہ ملکاں کوںوی اوکے وقت اچ پاڈتے ،پاکستان جیہوجے ترقی پذیر ملکاں کوں وی چیلنجز درپیش ہن‘ کورونا دے خلاف جنگ اچ ڈاکٹر اتے طبی عملہ صف اول دے سپاہی ہن ،ایں وباءدے خلاف برسر پیکار سارے اہلکاراں کوں خراج تحسین پیش کریندوں ہن۔انہاں آکھیے جو مخیر حضرات ولوں جناح ہسپتال اچ قائم کیتی ونجنڑ آلی پی سی آر لیب دا افتتاح لائق تحسین اے‘کورونا دے خلاف جنگ اجتماعی کوششاں اتے جذبے نال جتسوں ‘ ڈاکٹراں اتے طبی عملے کوں ہک مہینے دی ودھ تنخواہ دا فیصلہ کیتا گئے ۔فردوس عاشق اعوان آکھیےجو کورونا دے معیشت تے اثرات نال نبڑنڑ کیتے وی موثر پالیسی اپناونڑ دی ضرورت اے جیں تے حکومت وزیر اعظم عمران خان دی قیادت اچ ڈینھ رات کم کریندی پئی اے ‘پسماندہ اتے مزدور طبقے کوں ریلیف ڈیونڑ اہم ترجیح اے ‘1200ارب روپے دا معاونت پیکج وزیراعظم دی عوام دوست سوچ دا مظہر اے‘سنوار توں ہک کروڑ لوکاں کوں مالی امداد ملنڑ دا عمل شروع تھی ویسی ۔انہاں مزید آکھیے جو اساں ساریں رل تے ڈکھیں دے درد دا مداوا کرنڑاں اے ۔اساکوں وائرس دے نال افلاس تے بھک نال وی لڑناں اے ۔اوکھے ویلھے مخیر حضرات اگوں آندے ہوئیں اپنڑاں کلیدی کردار ادا کرن ۔ ڈاکٹر فردوس عاشق اعوان چیئرمین بورڈ آف مینجمنٹ گوہر اعجاز اتے اناہں دے ساتھیاں دیاں کوششاں دی تعریف کریندے ہوئیں آکھیے جو مستحقین کوں راشن دی فراہمی کیتے گوہر اعجاز دے جذبے دی قدر کریندوں۔ایں موقع تے گوہر اعجاز آکھیے جو جناح ہسپتال اچ کورونا دے مفت ٹیسٹ دی سہولت دستیاب اے، ڈاکٹرز اتے طبی عملے دی حوصلہ افزائی اساں ساریں دی ذمے واری اے ایندے توں پہلے ڈاکٹر فردوس عاشق اعوان جناح ہسپتال اچ کرونا وائرس دے ٹیسٹ کیتے قائم کیتی گی جدید بائیو سیفٹی لیب تھری دا معائنہ تے آئسولیشن وارڈ اچ زیر علاج کرونا وائرس اچ مبتلا مریضاں کوں ڈتیاں گئیاں سہولتاں دا جائزہ گھدا ۔انہاں کرونا مریضاں دی خیریت پچھی ۔ایں موقع تے ایم ایس ڈاکٹر یحییٰ سلطان معاون خصوصی کوں بریفنگ ڈیندے ہوئیں ڈسائے جو ایں ویلھے جناح ہسپتال اچ کرونا دے13 کنفرم اتے 5 مشتبہ مریض زیر علاج ہن تے حکومتی ہدایات دی روشنی اچ انہاں کوں علاج معالجے دیاں ساریاں بنیادی سہولتاں ڈتیاں ویندیاں پن ۔ ترجمان پنجاب حکومت مسرت جمشید چیمہ‘ چیئرمین بورڈ آف مینجمنٹ گوہر اعجاز، پرنسپل علامہ اقبال میڈیکل کالج پروفیسر عارف تجمل، ایم ایس ڈاکٹر یحییٰ سلطان‘ پروفیسر فوزیہ اشرف سمیت بئے وی ایں موقع تے موجود ہن۔