اسلام آباد ۔ 23 اپریل (اے پی پی) پاکستان ’ ہندو انتہاءپسند تنظیم آر ایس ایس اتے فاشسٹ نظریات دی حامل بھارتی حکومت دی مسلمان مخالف کارروائیاں اتے امتیازی پالیسیاں تے تشویش کریندیں ہوئین آکھیا جو بدقسمتی ناال کوویڈ۔19دی وبادے عالمی چیلنج پاروں بھارت نسل پرستی اتے انتہاءپسندی دی پالیسیاں تے عمل کریندا پئے،مسلماناں کوں بدنام کرنڑ دی منظم مہم چلائی ویندی پئی اے۔خمیس کوں ہفتہ وار بریفنگ اچ دفتر خارجہ دی ترجمان عائشہ فاروقی آکھیا جو اسلامی ملکاںدی تنظیم (او آئی سی)وی بھارتی میڈیا اتے اوندی سیاسی حلقیاں اچ وھدے ہوئے مسلم مخالف جذبات اتے اسلاموفوبیا تے تشویش کیتی اے جتھاں سوشل میڈیا پلیٹ فارم دے ذریعے بھارتی مسلماناں کوں کوروناوائرس دے کھنڈنڑ دا ذمہ وار آکھیا ویندا پئے۔ترجمان آکھیا جو مقبوضہ جموں تے کشمیر اچ بھارتی مظالم بارے آکھیا جو اے بین الاقوامی سطح تے تسلیم تھیا متنازعہ علاقہ اے اتے اتھاں بے گناہ کشمیریاں دا قتل،طاقت دا استعمال اتے مواصلات کوں بند کرنڑ بین الاقوامی قوانین دی خلاف ورزی اے۔انہاں آکھیا جو متعلقہ سٹیک ہولڈرز دے تعاون نال پاکستانیاں دی مرحلہ وار وطن واپسی دا عمل جاری اے۔انہاں آکھیا جو ایں منصوبے دے تریجھے مرحلے اچ پنج ہزار توں ودھ پاکستانیاں کوں مختلف ملکاں توں واپسی گھن آندا گئے ۔
