اسلام آباد ۔ 30 مئی (اے پی پی)صدرمملکت ڈاکٹر عارف علوی آکھیے جو میں تھامس پکیٹی دی کتاب دے ”کیپیٹل ان دی 21 سنچری“ دا ولا مطالعے دا فیصلہ کیتے ، سکھنڑ کیتے ہمیشہ وقت کڈھنڑاں چاہیدے ، کیوں جو تساں سکھنڑ دا عمل چھوڑ ڈتا تاں اگوں نی ودھ سگدے۔ہفتے کوں اپنڑے ہک ٹویٹ اچ صدر مملکت آکھیے جو تھامس پکیٹی دی 2014 اچ لکھی گئی کتاب ”کپیٹل ان دی 21 سنچری“ دا ولا مطالعہ کرنڑ دا فیصلہ کیتے تے اے کتاب لائبریری توں مستعار کیتی اے ۔ انہاں آکھیے جو ایندے علاوہ انہاں دی نویں کتاب ”کیپیٹل اینڈ آئیڈیالوجی“ جاری کرنڑ دے احکامات وی ڈتن ۔ انہاں آکھیے جو اقتصادی پالیسیاں دی وجہ توں سماجی اثرات دے باوجودآمدن اچ ودھدی ہوئی عدم مساوات تے انہاں کوں تشویش اے۔صدرمملکت اپنڑے پسندیدہ مقام لائبریری دے دورہ دے موقع تے کجھ کتاباں وی جاری کرائیاں ۔