خانیوال، مسافر بس ڈھنڑ پاروں 6 بندے جاں بحق، 30 زخمی

خانیوال۔ 31مئی (اے پی پی) خانیوال اچ رانگوپل دے نیڑے مسافراں دی بس ڈھہہ پئی جیں دے نتیجے اچ 6 بندے جاں بحق تے 30زخمی تھی گئن ۔ نجی ٹی وی چینل دے مطابق اتوار دی سویل خانیوال اچ تکھی رفتار بس موٹر سائیکل کوں بچیندے ہوئیں رانگو پہل توں تلے ونج ڈٹھی جیں دے نتیجے اچ 6بندے جاں بحق تے 30زخمی تھی گئن ۔ ریس کیو ٹیماں موقع تے ونج تے امدادی کاروئیاں شروع کیتیاں لاشاں تے زخمیاں کوں نیڑے ہسپتال اچ منتقل کرڈتے ۔ ہسپتال ذرائع مطابق بہوں سارے زخمیاں دی حالت تشویشناک اے جیں پاروں مزید ہلاکتاں دا ڈر اے ۔پولیس موجب مسافر بس لاہور توں ملتان ویندی پئی ہئی ۔ پولیس مقدمہ درج کرتے مزید تحقیقات شروع کرڈتن ۔