اسلام آباد ۔ 16 مئی (اے پی پی) وزیراعظم عمران خان آکھیا جو عوام دی لوڑھ تے سہولت کوں ڈیکھدیں ہوئیں حکومت پبلک ٹرانسپورٹ کھولنڑ دا فیصلہ اپنڑے بنڑائے گئے ایس او پیز دے نال کریندی پئی اے۔ہفتے کوں اپنڑے ٹویٹ اچ وزیراعظم عوام تے زور ڈتا جو او باشعور شہری ہوونڑ دا ثبوت ڈیون اتے پبلک ٹرانسپورٹ اچ سفر کریندیں ہوئیں ساری حفاظتی تدابیر کرن۔وزیراعظم اپنڑے ٹویٹ اچ ہک ویڈیو وی شیئر کیتی جئیں اچ پبلک ٹرانسپورٹ چلاونڑ سانگے ایس او پیز اتے احتیاطی تدابیر بارے ڈسیا گئے ۔ویڈیو اچ آکھیا گئے جو عوام دی سہولت سانگے ٹرانسپورٹ کھولی ویندی پئی اے جڈانجو بہوں لوڑھ ویلھے ای سفر کیتا ونجے۔ویڈیو اچ ٹرانسپورٹرز اتے مسافراں سانگے ہدایت وی ڈتی گئین۔
