لگدے جونیب ٹارزن بنڑن آلا اے، حکومت اتے اپوزیشن ڈوہیں پاسو دے وڈے کیسز کھلدے ڈیہدا پیاں ،وفاقی وزیر ریلوے شیخ رشید احمد دی پریس کانفرنس

لاہور ۔ 09مئی (اے پی پی) وفاقی وزیر ریلوے شیخ رشید احمد آکھیے جو نیب کوں حکومت اتے اپوزیشن ڈوہیں پاسو دے وڈے کیسز کھلیندا ڈیہدا پیان، لگدے جونیب ٹارزن بنڑن ا ٓلا اے، شہباز شریف اپنڑے کاغذ لندن بھل آئن بھل او ولا لندن ویندے نئیں ڈسدے۔لاہور اچ پریس کانفرنس کریندے ہوئے وزیر ریلوے شیخ رشید احمد آکھیے جو نیب شہباز شریف توں جیڑھا وی سوال پچھے ہکو جواب آئے جو کاغذ لندن اچ رہ گین،عید دے بعد وڈے پیمانے تے نیب کوں ٹارزن بنڑدا ڈیہدا پیاں،نیب وکٹ دے ڈوہیں پاسو کھیڈسی،لگدے جو حکومت اتے اپوزیشن ڈوہیں دے لوک نیب دی وٹھ اچ آسن،جیڑھے ڈینھ کھنڈ سکینڈل دی فرانزک رپورٹ آسی عمران خان ایکشن گھنسن۔انہاںا ٓکھیے جو مقبوضہ کشمیر دی صورتحال بئی خراب تھیندی پئی اے،کشمیر دے حالات پاکستان اتے بھارت اچ چھوٹے جھیڑے دی وجہ بنڑ سگدی اے۔شیخ ریشد آکھیے جو ایں مہینے ریلوے کوں پنج ارب روپے دا نقصان تھئے،ڈاہ مئی توں ریل گاڈیاں چلاونڑ تے وفاق اتفاق کیتے،امید اے عید توں پہلے ٹریناں چلاونڑ اچ کامیاب تھی ویسوں تاں جو ریلوے دا خسارہ ہتھیکے کیتا ونج سگے، ایندے کیتے ایس او پیز تے سختی نال عمل کیتا ویسی۔