اسلام آباد ۔ 26 مئی (اے پی پی) اقوام متحدہ دے سیکرٹری جنرل انتونیو گوتیرس آکھیے جو مسلماناں دے خلاف نفرت تے اسلامو فوبیا کوں مکاونڑ اقوام متحدہ دی پہلی ترجیح اے، او ایں گال نال پورا اتفاق کریندن جو ایں گال دا پورا جائزہ گھدا ونجنڑاں چاہیدے کیوں جو اے عالمی امن تے سلامتی کیتے خطرہ اے ۔او اسلامی ملکاں دی تنظیم دے اقوام متحدہ اچ رکن ملکاں دے ورچوئل اجلاس توں خطاب کریندے پئے ہن۔ ایندے توں پہلے اقوام متحدہ اچ پاکستان دے مستقل مندوب منیر اکرم اپنڑے خطاب اچ بھارت اچ مسلماناں دے خلاف تشدد اتے اسلامو فوبیا دا معاملہ چاتے جیں تے اقوام متحدہ دے سیکرٹری جنرل جواب ڈیندے ہوئیں ایں عفریت کوں مکاونڑ دا پورا یقین ڈیوائے ۔ منیر اکرم اپنڑے خطاب اچ آکھیا ہئی جو بھارت اچ مسلماناں کوں کورونا وائرس دے کھنڈنڑ دا ذمے وار قرار ڈتے ونجنڑ تے ودھ ساری تشویش اے ۔
