اسلام آباد 18 مئی(اے پی پی )معروف سرائیکی لوک فنکار و گلوکار نواز فرید سانول انتقال کرگئن۔ نواز فرید سانول رات کوں حیدرآباد دے نیڑے ٹریفک حادثے اچ زخمی تھی گئے ہن ۔نواز فرید سانول کوں سول اسپتال حیدرآباد منتقل کیتا گیا جتھاں او زخماں دی تاپ نہ جھلیندے ہوئیں اللہ کوں پیارے تھی گن ۔ پبلک ٹرانسپورٹ بند تھیونڑ پاروں او آپنڑیں علاقے توں موٹر سائیکل تے کراچی آندے پئے ہن ۔ نواز فرید سانول دا تعلق کوٹلہ موسی خان، احمد پور شرقیہ، بہاولپور توں ہئی۔ او کراچی اچ رکشہ چلا تے روزی کریندے ہن ۔ نواز فرید سانول دے سرائیکی وسیب کیتے گاونڑ بہوں مقبول تھئے ۔ نواز فرید لواحقین اچ ترائے نکیاں دھیریں ، ہک پتر تے بیوہ شامل اے ۔ متوفی دی لاش کوں حیدرآباد توں کراچی گھن آیا ویسی ۔
