اسلام آباد۔ 27 مئی (اے پی پی)وزیراعظم عمران خان آکھیا جو مودی دی فاشسٹ حکومت بھارت اچ وسنڑ آلی اقلیتاں،ہمسایہ ملکاں سانگے خطرہ اے۔بدھ کوں اپنڑے ٹویٹ اچ انہاں آکھیا جو ہندوتوا دی بالادستی دے نظریے دی حامل مودی حکومت نازی پالیسیاں جیہی اپنڑی متکبرانہ اپالیسیاں پاروں ہمسایہ ملکاں سانگے ہک خطرہ بنڑ گئی اے۔ بنگلا دیش سانگے اے شہریت ایکٹ دی صورت ہک خطرہ اے اتے نیپال اتے چین سانگے اے سرحدی تنازعات دی صورت اچ خطرہ اے جڈانجو پاکستان کوں اوں ولوں جعلی فلیگ آپرشن دی صورت اچ خطرہ اے۔وزیراعظم عمران خان آکھیا جو مودی حکومت اے سارا کجھ مقبوضہ جموں تے کشمیر کوں غیر قانونی طور تے بھارت دے نال رلاونڑ دے بعد کریندی پئی اے جیڑھی جو چوتھے جنیوا کنونشن دے تحت جنگی جرائم ہن اتے ایں نال مودی حکومت آزاد کشمیر تے وی دعوے کریندی پئی اے۔انہاں آکھیا جو مودی دی فاشسٹ حکومت بھارت اچ وسنڑ آلی اقلیتاں،ہمسایہ ملکاں سانگے خطرہ اے بلکہ او علاقائی امن سانگے وی خطرہ اے۔
