اسلام آباد ۔ 27 مئی (اے پی پی) نیشنل کمانڈ اینڈ آپریشن سینٹر (این سی او سی) اچ عید دی آخری چھٹی دے ڈینھ وی کورونا وائرس صورتحال دا جائزہ گھننڑ کیتے بدھ کوں اہم اجلاس منعقد تھیا ۔ انسداد کورونا وائرس (کووڈ۔19) دی گائیڈ لائنز تے عملدرآمد دے حوالے نال فورم کوں پیشرفت بارے ڈسایا گئیا ۔ این سی او سی دے مطابق اجلاس دی صدرات وفاقی وزیر منصوبہ بندی، ترقی، اصلاحات و خصوصی اقدامات اسد عمر کیتی۔ وزیراعظم دے معاون صحت ڈاکٹر ظفر مرزا، وزیراعظم دے کورونا وائرس دے فوکل پرسن ڈاکٹر فیصل سلطان، کوآرڈینیٹر این سی او سی لیفٹیننٹ جنرل حمودا لزمان خان سمیت اعلیٰ حکام وی موجود ہن ۔ اجلاس اچ ملک اچ ٹیسٹنگ دے حوالے نال تفصیلی گال مہاڑ کیتی گی ۔ اسد عمر ہدایات ڈتن جو وزارت صحت دی ہدایات تے عمل درآمد کوں یقینی بنڑا تے عوام دی صحت تے حفاظت کوں یقینی بنڑاونڑ کیتے اپنڑاں بھرپور کردار ادا کرن تاں جو وبا کوں کھڈنڑ توں روکیا ونج سگدے ،انفرادی ذمے واری ہی اجتماعی صحت، تحفظ اتے کووڈ۔19 توں بچاودا واحد ذریعہ اے۔
