اسلام آباد ۔ 31 مئی (اے پی پی) وزیر اعظم دے مشیر موسمیاتی تبدیلی ملک امین اسلم آکھیے جو وزارت 10ارب سونامی ٹری منصوبے دے تحت پورے ملک اچ 7قومی پارک قائم کریسی ۔ اے پی پی نال گال مہاڑ کریندے ہوئیں انہاں آکھیے جو ایں منصوبے دے تھت 6 لکھ 50 ہزار 42 ہیکٹرز تے اے پارکس محیط ہوسن ۔ ایں منصوبے تے 2 ارب 40 کروڑ روپے لاگت آسی تے ایندے نال جنگلات اتے جنگلی حیات ڈوہیں کوں تحفظ ملسی ۔ایں منصوبے نال مقامی لوکاں کوں ملازمت دے موقع ملسن ۔ انہاں ڈسائے جو 20 ہزار ایکڑ تے محیط مارگلہ ہلز پارک وی انہاں پارکس اچ شامل اے ۔ باقی پارکس اچ کھری مورت ،شیخ بدین،چلتن ہزار گنجی،تکر،دیوا وٹالہ،خنجراب شامل ہن ۔انہاں آکھیے جو 10 ارب سونامی منصوبے اچ ایں ویلھے 65 ہزار لوک ڈیلی ویجزملازمت تے ہن ۔اجوکے سال ڈو کروڑ بوٹیں دا ہدف حاصل کرنڑ کیتے انہاں اچ ترائے گنا ودھارا کیتا ویندا پئے ۔
