اسلام آباد ۔ 29 مئی (اے پی پی) وزیراعظم عمران خان جیلاں اچ قیدی تریمتاں دی حالت زار دا جائزہ گھننڑ کیتے کمیٹی بنڑا ڈتی اے ۔ جمعے کوں وزیراعظم آفس دے میڈیا ونگ توں جاری بیان موجب اے کمیٹی وفاقی وزیر انسانی حقوق دی سربراہی اچ بنڑائی گئی اے جڈاں جو سیکرٹری وزارت انسانی حقوق کمیٹی دے سیکرٹری ہوسن ۔ کمیٹی اچ سیکرٹری داخلہ، چارے صوبیں تے گلگت بلتستان دے ہوم سیکرٹریز، چارے صوبیں تے گلگت بلتستان دے جیل خانہ جات دے آئی جیز شامل ہوسن۔ سارہ بلال اتے حیاءزاہد کوں وی کمیٹی دا رکن مقرر کیتا گئے ۔ کمیٹی قیدی تریمتاں دے نال صنفی امتیازی اتے ایندے متعلقہ معاملات تے کم کریسی تے ایں مسئلے دے حل کیتے ادارہ جاتی انتظامات تجویز کریسی ۔ بیان موجب کمیٹی دی چیئرپرسن کوں کہیں بندے کوں بطور رکن کمیٹی اچ رلاونڑ دا اختیار ہوسی ۔ کمیٹی جائزہ گھنسی جو کیتا تریمت قیدیاں دے تحفظ، حقوق، صحت، سلامتی اتے فلاح و بہبود دے حوالے نال خاص طور تے جیل دے قواعد و ضوابط، ضابطہ فوجداری 1898ءاتے بین الاقوامی سطح تے تریمت قیدیاں دے ھوالے نال حوالے نال رائج قوانین، قواعد و ضوابط اتے طریقہ کار دے مطابق سولک کوں کیرھی حد تئیں یقینی بنڑایا ویندا پئے ۔ کمیٹی ایں امر کوں یقینی بنڑیسی جو تریمتاں کوں انہاں دی جسمانی ، نفسیاتی، جذباتی اتے سماجی ضرورتاں دے مطابق مخصوص سہولتاں ملسن ۔ کمیٹی 4 مہینے دے اندر اپنڑی رپورٹ وزیراعظم کوں پیش کریسی ۔
