اسلام آباد ۔ 22 مئی (اے پی پی) وزیراعظم عمران خان کراچی اچ مسافر طیارے دے حادثے دی تحقیقات دا حکم ڈیندے ہوئے قیمتی جانی نقصان تے افسوس کیتے۔انہاں مرنڑ آلیاں دے درجات دی بلندی اتے لواحقین کیتے صبر جمیل دی دعاکیتی۔ انہاں متعلقہ اداریاں کوں ریلیف، ریسکیو اتے زخمیاں کوں فوری طبی امدادڈیونڑ دی ہدایت کیتی اے۔اپنڑے ٹویٹ اچ وزیراعظم آکھیے جو پی آئی اے طیارے حادثہ دا سنڑ تے بہوں ڈکھ تھئے،پی آئی اے دے چیف ایگزیکٹو آفیسر ارشد ملک نال رابطے اچ ہاں، او کراچی ٹر گین تے امدادی کماں دی نگرانی کریسن،ایں سانحے دی تحقیقات تھیسن۔میڈیاں دعائیں اتے ہمدردیاں متاثرہ خانداناں نال ہین۔
