ملتان ۔12 مئی (اے پی پی) وزیراعلیٰ پنجاب سردارعثمان بزدار دے متوقع دورہ ملتان دے موقع تے ڈپٹی کمشنر عامر خٹک دی ہدایات تے شہر کوں سجاونڑ تے سوارنڑ دیاں تیاریاں شروع کرڈتیاں گئن جڈاں جو ویسٹ منیجنبٹ کمپنی سڑکاں دی خصوصی صفائی ستھرائی کیتے اپریشن شروع کرڈتے ،ائرپورٹ روڈ، بوسن روڈ، خانیوال روڈ تے مظفر آباد روڈ دی خصوصی صفائی جاری اے،ڈیوائڈرز دی سکریپنگ اتے گرین بیلٹ توں کچرا صاف کیتا ویندا پئے ،چونگی نمبر1 توں سیوڑا چوک دے رستے تے سیداں والا بائی پاس تئیں ہیوی مشینری صفائی اچ مصروف اے ۔نال ہی شہر دے احساس کفالت سنٹرز دے آسے پاسے صفائی دے خصوصی انتظامات کیتے ویندے پئن ، سنٹرز اتے سڑکاں دی ڈس انفکشن وی زور نال جاری اے ،سرکٹ ہاوس، نشتر ہسپتال،کارڈیالوجی انسٹی ٹیوٹ اتے چلڈرن ہسپتال ونجنڑ آلے رستے صاف کرڈتے گئن۔
