پاکستان اچ کورونا کیسز ودھدے پئن، بازاراں اچ احتیاط نی کیتی ویندی پئی، ڈاکٹر ظفر مرزا

اسلام آباد۔ 26 مئی (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو پاکستان اچ کرونا دے کیس ودھدے پئن ،بازاراں اچ احتیاط نی کیتی ویندی پئی ۔ اسلام آباد اچ میڈیا نال گال مہاڑ کریندے ہوئیں ظفر مرزا آکھیے جو پاکستانی شاہد سمجھدے پئن جو کورونا وائرس صرف عید تئیں ہئی اگر اساں احتیاط نہ کیتی تاں وڈا بحران پیدا تھی سگدے ۔ انہاں آکھیے جو پاکستان توں کورونا وائرس کڈاں مکسی کجھ آکھنڑ قبل از وقت ہوسی اساں احتیاطی تدابیر اختیار نہ کیتی تاں بہوں وڈا سانحہ تھی سگدے ۔ ظفر مرزاآکھیے جو کورونا وائرس نال موت دی تعداد ودھ سگدی اے ۔