اسلام آباد ۔ 10 مئی (اے پی پی) وفاقی وزیر مواصلات و پوسٹل سروسز مراد سعید آکھیے جو پاکستان تحریک انصاف دی موجودہ حکومت دے ایں عرصے اچ نیشنل ہائی وے اتھارٹی دے محصولات اچ 73فیصد ودھارا تھئے ۔اتوار کوں اپنڑے ہک بیان اچ انہاں آکھیے جو اتھارٹی ارضیاتی معلومات متعلق سروے دا پہلا مرحلہ پورا کر گھدے ۔انہاں آکھیے جو ایں اقدام نال این ایچ اے دے محصولات اچ مزید ودھارا تھیسی ۔ وفاقی وزیر ایں عزم دا وی اعادہ کیتا جو سڑکاں تے شاہرات دی تعمیر دے جاری منصوبے وختی مکمل تھی ویسن ۔
