اسلام آباد ۔ 31مئی (اے پی پی) نیشنل ڈیزاسٹر مینجمنٹ اتھارٹی آکھیے جو کورونا مریضاں دی ودھدی ضرورت دے پیش نظر صوبیں اچ 100 وینٹیلیٹرز ڈتے ویندے پئن، ایں سلسلے اچ صوبیں کوں ڈاہ ڈاہ آئی سی یو وینٹیلیٹرز دی وصولی کیتے خط لکھیا گئے ،اتوار کوں ایں حوالے نال ترجمان این ڈی ایم اے آکھیے جو چارے صوبیں کوں ڈاہ ڈاہ بائی پیپ پورٹ ایبل وینٹیلیٹرز وی ڈتے ویسن ۔ آزاد کشمیر اتے گلگت بلتستان کیتے وی ڈاہ ڈاہ بائی پیپ پورٹ ایبل وینٹیلیٹرز مختص کیتے گئن۔ ایندے نال وینٹیلیٹرز دی تنصیب اتے بعد از فروخت سروس دی سہولت وی ڈتی ویندی پئی اے ۔ ترجمان آکھیے جو وینٹیلیٹرز دے استمعال کیتے طبی عملہ دی تربیت دا وی بندوبست کیتا گئے ۔ ایں سلسلے اچ سارے انتظامات دی تفصیل صوبیں کوں ڈسائی گئی اے ۔
