اسلام آباد ۔ 11 مئی (اے پی پی)کورونا فنڈ اچ شاعراں ،ادیباں تے صحافیاں کوں رلایا ونجے ۔اے گال سرائیکستان قومی کونسل دے صدر ظہور دھریجہ شاعراں ،ادیباں نال ملاقات کریندے ہوئیں آکھی اے ۔ وفد اچ ریاض حامد فریدی ، رمضان قادری ، لیاقت قریشی تے اسلم حجانہ شامل ہن۔ وفد نال ملاقات دے موقع تے ظہور دھریجہ آکھیے جو شاعراں ، ادیباں اتے صحافیوں دی ودھ ساری خدمات ہن ، صحافی او طبقہ اے جیرھا جو کورونا جنگ اچ فرنٹ لائن تے لڑدا پئے ۔انہاں آکھیے جو کورونا لاک ڈاﺅن پاروں گھراں اچ فاقے ہن ، حکومت گلوکاراں دے نال نال شاعراں ، ادیباں اتے صحافیاں کوں وی کورونا امدادی پیکیج اچ رلاوے۔ انہاں آکھیے جو کورونا مقامی زباناں اچ پروگرام بہوں ضروری ہن ۔ سرائیکی رہنماواں بلوچستان اچ دہشت گردی دے واقعے دی مذمت کیتی تے پاک فوج دے شہیداں کوں خراج عقیدت پیش کریندے ہوئیں دہشت گرداں دی وختی گرفتاری دا مطالبہ کیتے۔ انہاں آکھیے جو میلسی کینال دے وین حادثہ اچ 11 لوکاں دی شہادت تے دریائے چناب اچ پنج لوکاں دے بڈ ونجنڑ دا واقعہ غیر معمولی نوعیت دا اے اساڈا مطالبہ اے جو وارثاں کوں حکومت معاوضہ ڈیوے ۔
