اسلام آباد ۔ 27 مئی (اے پی پی) معاون خصوصی صحت ڈاکٹر ظفر مرزا آکھیے جو ہیلتھ ورکرز دی خدمات کوں خراج تحسین پیش کریندوں ،انہاں دی حفاظت حکومت دی اولین ترجیح اے ۔ جیرھے جو قومی چیلنج نال نبڑنڑ کیتے ڈینھ رات ہک کرتے محنت نال کم کریندے پئن ، حکومت پاکستان انہاں دی حفاظت کوں پہلی ترجیح ڈیندی اے ۔اے گال انہاں بدھ کوں پمز ہسپتال دا دورہ کریندے ہوئیں میڈیا نال گال مہاڑ کریندے ہوئیں آکھی اے ۔ایں موقع تے وفاقی سیکرٹری ہیلتھ عامر اشرف خواجہ اتے ڈی جی ہیلتھ وی انہاں دے رلے ہن۔ معاون خصوصی ڈاکٹر ظفر مرزا کورونا وائرس نال نبڑنڑ کیتے جاری انتظامات تے اقدامات دا جائزہ گھدا۔ایں موقع تے پرایگزیکٹو ڈائریکٹر پمز درپیش چیلنجز اتے اقدامات تے بارے بریفنگ ڈتی ۔
