اسلام آباد ۔ 17 جون (اے پی پی) مشیر خزانہ ومحصولات ڈاکٹرعبدالحفیظ شیخ دی زیرصدارت تھیونڑ آلے کابینہ دی اقتصادی رابطہ کمیٹی دے اجلاس پنجاب اچ ٹڈی دل مکاونڑ کیتے آلات ملھ گھنڑ،سول آرمڈ فورسز دی استعدادودھاونڑ،کرونا بارے میدیا مہم چلاونڑ سودھا کئی تکنیکی ضمنی گرانٹس دی منظوری ڈتی اے۔ای سی سی پاکستان انٹرنیشنل ائیرلائنز کارپوریشن کیتے 3.2 ارب روپے ،پاکستان اٹامک انرجی کمیشن دے واجبات دی ادئیگی کیتے 1300 ملین روپے، اسلام آباد اچ پنجاب رینجرزکیتے اندرونی سکیورٹی ڈیوٹی الاﺅنس سانگے 235 ملین روپے،کورونا وائرس بارے میڈیا مہم چلاونڑ سانگے وزارت اطلاعات ونشریات کیتے 500 ملین روپے ،پنجاب اچ ٹڈی دل مکاونڑ کیتے آلات گھنڑ سانگے نیشنل ڈیزاسٹرمنیجمنٹ اتھارٹی فنڈدے حق اچ 100 ملین روپے دی تکنیکی ضمنی گرانٹ دی منظوری ڈتی گئی۔چین اچ پاکستانی مشن دے ذریعہ کوروناوائرس نال نبڑن سانگے پاکستان قومی ایمرجنسی تیاریاں سانگے آلات اتے سامان گھنڑ کیتے 7.947 ارب روپے دی تکنیکی ضمنی گرانٹس دی منظوری ڈتی اے۔اجلاس سول آرمڈ فورسز دی استعدادکارودھاونڑ کیتے 4.5 ارب روپے،مسابقتی کمیشن دے اخراجات کیتے 8 کروڑروپے دی منظوری ڈتی۔اجلاس اچ وزارت وفاقی تعلیم وپیشہ وارانہ تربیت دی درخواست تے افغان طالب علماں کوں وظائف ڈیونڑ کیتے 1192.325 ملین اتے358.506 ملین روپے دی ڈوتکنیکی ضمنی گرانٹس دی منظوری ڈتی۔اجلاس کرونا دے دوران روزگار بچاونڑکیتے سٹیٹ بینک ری فنانس سکیم دے رسک شئیرنگ فیسلٹی دی منظوری وی ڈتی،سکیم دے تحت ستمبر 2020 ءتئیں ملازمین کوں فارغ نہ کرنڑ آلے تجارتی اداریاں کوں قرض ڈتے ویسن۔