لاہور۔18 جون (اے پی پی )وزیراعلیٰ عثمان بزدارنال بہاولپور پریس کلب دے صدرنصیر احمد ناصراتے سیکرٹری ریاض احمد بلوچ ملاقات کیتی۔وزیراعلیٰ عثمان بزدار بہاولپور پریس کلب کیتے10لکھ روپے دا چیک ڈتے اتےآکھیے جو اجوکے غیر معمولی حالات اچ حکومت صحافی برادری نال کھڑی اے، پنجاب حکومت کورونانال متاثرہ صحافیاں دی مدداچ سب توں اگو اے،کروناتوں بچاو کیتے میڈیا دا کردار قابل تعریف اے،ایس او پیز تے عملدرآمد نال ہی کرونا توں بچیا ونج سگدے۔ انہاں آکھیے جو پنجاب حکومت ہر ڈویژن اچ صحافی کالونی بنڑاونڑ دا فیصلہ کیتے جیندے کیتے زمین سانگے متعلقہ کمشنرز کوں ہدایات ڈے ڈتیاں گین،ملتان جرنلسٹ ہاوسنگ کالونی کیتے وی 5کروڑ40لکھ روپے دے فنڈزڈتے گین،ملتان صحافی کالونی اچ ترقیاتی کم تھیسن اتے الاٹیاں کوں گھر بنڑاونڑ اچ سوکھ ڈتا ویسی۔صدر بہاولپور پریس کلب نصیر احمدناصر وزیراعلیٰ پنجاب سردار عثمان بزدار کوں پریس کلب دی اعزازی لائف ممبر شپ ڈتی اتے شیلڈ وی پیش کیتی۔