اردو ، فارسی اتے سرائیکی دے شاعر حیدر گردیزی دی 29ویں برسی (اج) منائی ویسی

ملتان ۔06 جون (اے پی پی)اردو ، فارسی اتے سرائیکی دے شاعر حیدر گردیزی دی 29ویں برسی (اج) ست جون کوںمنائی ویسی ۔ معروف شاعر حیدر گردیزی انہاں دا اصل ناں محمد حیدرہئی۔آپ دی مادری زبان سرائیکی ہئی ۔شعری دی میدان اچ اردو،فارسی اتے سرائیکی زبان اچ شاعری کیتی۔حیدر گردیزی دے پتر عمران حیدر دے مطابق انہاں ڈو یا اڈھائی ہزار توں ودھ غزلاں لکھی ہن۔مذہبی رجحان ہوونڑ پاروں انہاں اپنڑی غزلاں کوں شائع کائنا کیتی ہن۔البتہ انہاں دی کجھ کتاباں اے ہن ، ” لی خمستہ “ ( مسدس ) ” چاندنی دے ورق “ (اردو ہائیکو) ” لافَتٰی اِلا علی “ ( مسدس ومناقب ) ” حبیب ابنِ مظاہر “ (مرثیہ ) ” ہتھاں تے چند “ (سرائیکی ) ” ساہ دی بکل “ ( ہائیکو ) ” آنکھ میںگنبدخضرا “ ( اردو نعتاں )” عرش عزا “ ( نوحہ جات ، سلام ، نعت ،مناقب ) ” شیرازہ رسول “ ( مناقب ، سلام ، قطعات ) شامل ہن۔ست جون 1991ءکوں انہاں دا انتقال تھئی گئیا ہئی اتے انہاں کوں امام بارگاہ یوسف شاہ گردیز اچ دفنایا گئیا ہئی ۔