اقتصادی سروے 2019-20؛زرعی شعبہ اچ 2.67 فیصدودھارے نال مضبوط نموریکارڈ

اسلام آباد ۔ 11 جون (اے پی پی) وزیراعظم دے مشیر برائے خزانہ ڈاکٹر عبدالحفیظ شیخ ملکی معیشت دے مختلف شعبیاں دی کارکردگی،حکومت ولوں معاشی استحکام اتے اقتصادی سرگرمیاں چنگیاں کرنڑ کیتے اقدامات دی تفصیل سانگے اقتصادی سروے 2019-20ءجاری کرڈتے۔ اقتصادی سروے اچ آکھیا گئے جوزرعی شعبہ اچ مضبوط نمو ریکارڈ کیتی گئی جئیں پچھلے سال دی معمولی شرح نمو0.58 فیصد دے مقابلے سال 2019-20ءکوں 2.67 فیصدودھارا ڈکھائے۔کپاہ دی پیداور اچ شرح نمو منفی 6.9 ریکارڈ کیتی گئی۔کنڑک دی پیداواراچ پہلے توں 2.5 فیصد ودھارا تھئے،چاول دی پیداوار2.9 فیصدودھ رہی۔گنے دی پیداواراچ 0.4 فیصد کمی تھئی۔مکئی دی پیداوار6.0 فیصدودھارا تھئے۔بیاں فصلاں جیندا زرعی اضافہ اچ حصہ 11.53 اتے جی ڈی پی اچ حصہ 2.23 فیصداے، اوندی نمو اچ 4.57 فیصد ودھارا تھئے،گلہ بانی دی شرح نمو پچھلے سال دی 3.82 فیصد دے مقابلہ اچ 2.58 فیصد رہی۔ ماہی گیری دا شعبہ دی نمو اچ 0.60 فیصد ودھارا تھئے ۔جنگلات دی شرح نمو اچ 2.29 فیصد اضافہ،چنے دی پیداواراچ 21.9 فیصد ودھارا تھئے۔باجھری اتے تمباکو دی پیداواراچ 9.7 فیصد اتے 5.8 فیصد بالترتیب ودھارا تھئے اتے جواردی پیداواراچ19.5 فیصد کمی تھئی جڈاں جو جو، تارا میر،دال مسورا تے رائی دی پیداوار پچھلے سال آلی کار رہی اے۔سرخ مرچ،مونگ دی پیداواراچ 34.5 فیصد اتے 12.6 فیصدودھارا تھئے۔ماش دی دال، آلو اتے پیاز دی پیداوار اچ بالترتیب 5.8 فیصد، 5.3 فیصد اتے 1.0 فیصد کمی رہی ۔2019-20ء(جولائی تا مارچ)اچ تقریباً 189.687 ہزار ٹن خریف/ربیع دی فصلاں دے بہتر بیج ڈتے گین۔ 2019-20ء(جولائی تا مارچ)اچ بنکاں 912.2 ارب روپے داقرض ڈتے جیڑھا 1350 ارب روپے دے سالانہ مجموعی ہدف دے 67.6 فیصدتے مشترمل اے،2019-20ءاچ خریف 2019ءفصلاں کیتے پانڑی دی کل دستیابی 65.3 ملین ایکڑ فٹ (ایم اے ایف) ریکارڈ کیتی گئی اتے 67.1 ملین ایکڑ فٹ دے اوسط سسٹم اچ ایں سال دے مقابلہ اچ 2.7 فیصد کمی رہی اتے خریف 2018ءدی نسبت 9.4 فیصد اضافہ رہے۔ ربیع 2019-20ءاچ پانی دی کل دستیابی 29.2 ملین ایکڑ فٹ ریکارڈرہی جیڑھی ربیع 2018-19ءتوں 17.7 فیصد ودھ اے جڈاں جو ایں دوران کھاد دی ملکی پیداواراچ 5.8 فیصدودھارا تھئے جیندی وجہ کھاداں کیتے وادھو گیس ڈیونڑ اے جڈاں جو درآمد شدہ کھاد دی فراہمی اچ 20.7 فیصد کمی تھئی اتے ایں مدت اچ کھاد دی کل دستیابی اچ 0.28 فیصد کمی تھئی۔ مالی سال 2019-20ء(جولائی تا مارچ)اچ نائٹروجن آفٹیک اچ 2.4 فیصد، فاسفیٹ آفٹیک اچ 2.6 فیصد اتے پوٹاش آفٹیک اچ وی 14.5 فیصد کمی تھئی اے۔یوریا دی قیمت اچ 11.5 فیصد ودھارا تھئے جڈاں جو ڈی اے پی قیمت اچ 3.1 فیصد ودھارا تھئے۔ گیس انفراسٹرکچر ڈویلپمنٹ سیس (جی آئی ڈی سی) کوں 5 روپے فی ایم ایم بی ٹی یو کرڈتا گئئے جیندے نال یوریا دی فی بوری قیمت اچ 298 روپے، جنوری 2020ءتوں کمی تھئی ۔