اقوام متحدہ دی پاکستان اسٹاک ایکسچینج تے دہشت گرد حملے دی مذمت

اقوام متحدہ ۔ 30 جون (اے پی پی) اقوام متحدہ دے سیکریٹری جنرل انتونیو گوتریس کراچی اچ پاکستان سٹاک ایکسچینج (پی ایس ایکس) تے سنوار دے ڈینھ دہشت گرد حملے دی مذمت کیتی اے تے متاثرین دے اہل خانہ ،پاکستانی عوام اتے حکومت پاکستان توں اپنڑی تعزیت دا اظہار کیتے ۔ انتونیو گوتریس دے ترجمان سٹیفین دوجاریک آکھیے جو انتونیو گوتریس پاکستان سٹاک ایکسچینج تے دہشت گرد حملے دی مذمت کریندے ہوئیں متاثرین دے اہل خانہ ،پاکستانی عوام اتے حکومت پاکستان توں اپنڑی تعزیت دا اظہار کیتے انہاں دہشت گردی تے انتہا پسندی دے واقعات نال نبڑنڑ کیتے حکومت پاکستان تے عوام دیاں کوششاں دی تعریف کیتی ۔