xاسلام آباد ۔ 24 جون (اے پی پی) وزیراعظم عمران خان آکھیے جو انضمام شدہ اضلاع کیتے ترقی فنڈز ڈیونڑ بارے وفاقی حکومت اپنڑیاں ذمہ داریاں نبھیندی پئی اے،انہاں علاقیاں اچ ترقیاتی منصوبے ویلھے تے مکمل کرنڑ ساڈی ترجیح اے۔ او اسلام آباد اچ ملنڑ آلے انظمام شدہ قبائلی علاقیاں دے ارکان اسمبلی دے وفد نال گالھ مہاڑ کریندے پئے ہن۔وفد دی اگوانڑی وفاقی وزیر مذہبی امور نورالحق قادری کیتی۔ انہاں دے نال ارکان اچ گل داد خان، گل ظفر خان، ساجد خان اتے محمد اقبال خان شامل ہن۔ملاقات اچ انضمام شدہ اضلاع اچ عوامی فلاحی و ترقیاتی امور، کورونا وبا روکنڑ دے اقدامات،سماجی و اقتصادی ترقی دے روڈ میپ تے پیشرفت تے گالھ مہاڑ کیتی گئی۔
