اوکھے حالات دے باوجود کوئی نواں ٹیکس نئیں لایا،پچھلی حکومتاں دا گھدا گیا قرض لہاونڑ کیتے ہی بئے قرضے گھنڑے پوندے پین، پاکستان اتے آئی ایم ایف دے تعلقات چنگے ہین،وزیراعظم دے مشیر خزانہ ومحصولات ڈاکٹرعبدالحفیظ شیخ دی حکومتی معاشی ٹیم دے رلے پوسٹ بجٹ پریس کانفرنس

اسلام آباد ۔ 13 جون (اے پی پی) وزیراعظم دے مشیربرائے خزانہ ومحصولات ڈاکٹرعبدالحفیظ شیخ آکھیے جو اوکھے حالات دے باوجود کوئی نواں ٹیکس نئیں لایا،پچھلی حکومتاں دا گھدا گیا قرض لہاونڑ کیتے ہی بئے قرضے گھنڑے پوندے پین، پاکستان اتے آئی ایم ایف دے تعلقات چنگے ہین،ایں حکومت پہلے سال 5 ہزارارب روپے، جاری مالی سال 2700 ارب روپے دا بیرونی قرضہ لہائے،آندے مالی سال وی 2900 ارب روپے ولا ڈیوڑن،حکومت پچھلے سال سٹیٹ بینک توں ٹکا وی قرض نئیں گھدا،کہیں ادارے کوں ضمنی گرانٹ نئیں ڈتی،پہلیو اری حکومتی اخراجات اچ کمی آندی پئی اے،اے گالھ وزیراعظم دے مشیر خزانہ ومحصولات ڈاکٹرعبدالحفیظ شیخ اسلام آباد اچ حکومتی معاشی ٹیم دے رلے پوسٹ بجٹ پریس کانفرنس اچ ڈسائی۔کانفرنس اچ فاقی وزیرصنعت وپیداوارحماداظہر، وزیراعظم دے مشیر برائے تجارت وسرمایہ کاری عبدالرزاق داﺅد، چئیرپرسن ایف بی آر ڈاکٹرنوشین جاویدامجد، سیکرٹری خزانہ نویدکامران بلوچ ،ایف بی آر ممبران لینڈریونیو ڈاکٹرحامد عتیق سروروی موجود ہن۔مشیر خزانہ آکھیے جونویں مالی مالی سال 1600توں ودھ شئیں تے ڈیوٹی مکائی اے،کاروباری لاگت گھٹاونڑ کیتے اقدامات کیتن،200 ٹیرف لائنز تے ڈیوٹی گھٹائی ویندی پئی اے، 166ٹیرف لائنز تے ریگولیٹری ڈیوٹی گھٹائی گئی اے،امپورٹ پر ودہولڈنگ ٹیکس گھٹ کیتا ویندا پئے، سیمنٹ تے ایکسائز ڈیوٹی اچ 25 روپے کمی دی تجویز اے،تعمیرات دے شعبے کیتے ٹیکس ادھے کر ڈتن، پٹرولیم ڈویلپمنٹ لیوی دی شرح بدستور30 روپے فی لیٹررکھی اے۔ انہاں آکھیے جو ھکومتی کارکردگی دا جائزہ گھندے اے گالھ وی سامنڑے رکھنڑی چاہیدی اے جیکر اساں اتنے وڈے قرج لہیندے پئے ہیں تان ول ھکومت کامیاب اے جیندی تعریف آئی ایم ایف اتے بئے اداریاں وی کیتی اے،حکومت اخراجات تے قابو پاونڑ کیتے سخت پالیسی اپنائی اے، سٹیٹ بنک توں کوئی قرض گھدے نہ کہیں ادارے کوں ضمنی گرانٹ ڈتی اے ، پہلی بارپرائمری بیلنس دے سرپلس اچ گئے ہیں ،ٹیکس وصولیاں،ٹیسک وسعت نظام اچ بہتری،دے اقدامات پاروں ٹیکس وصولیاں دی شرح 17 فیصد ودھی اے،دراامدات دی حوصلہ شکنی کیتی اے، گھٹ ذر مبادلہ دے ذخائر پاروں حسابات جاریہ دا خسارہ 20 ارب ڈالرتئین پج گیا ہا جیڑھا ترائے ارب ڈالر تئیں گھن آئے ہیں،نویں میزانیہ اچ کرونا نال نبڑن دے نال نال عوام کوں ریلیف ڈیونڑ تے وی توجہ ڈتی گئی اے،وبا نال وومی معیشت کوں 3 ہزار ارب روپے نقصان دا اندازہ اے،ایندے باوجود کمزور طبقات، کاروباری لوکاں، صنعت وتجارت،تعمیرات دے شعبیاں کیتے ودھ ریلیف پیکج ڈتے، زرعی شعبے دی ترقی کیتے کیتے خصوصی پروگرام شروع کیتا گئے، کاروباری سرگرمیان ودھائن،پٹرولیم مصنوعات دیاں قیمتاں گھٹائن جیندا فیدہ عوام کوں ملسی۔انہاں آکھیے جو حکومت نویں قرض پچھلیاں حکومتاں ولوں گھدے گئے قرض لہاونڑ اتے ایندے تے سود دی ادائیگی کیتے چیندی پئی اے جیڑھا ہک وڈا چیلنج اے۔حکومت ٹیکس لاونڑ دی بجائے مراعات کوں ترجیح ڈتی اے،ٹیکس ادائیگی سوکھی کیتی ویندی پئی اے،ٹیکس شرح یارھاں فیصد اے،ایں سال افراط زردا ہدف ساڈھے 6 فیصد رکھیے،ریگولیٹری نظام اچ تبدیلیاں کریسوں،حکومت نجکاری کیتے بئے 15 نویں ادارے چنڑین۔