بنکاک ۔ 30 جون (اے پی پی) تھائی لینڈ حکومت دی ترجمان برائے کوویڈ- 19 پنپرا یونگٹرکول آکھیے جو تھائی لےنڈ اچ 36 ویں ڈینھ وی کورونا وائرس دا مقامی طور تے کورونا وائرس دا کوئی نواں کیس سامنڑے کائنی آیا ۔ تھائی ذرائع ابلاغ موجب حکومتی ترجمان برائے کوویڈ 19- پنپرا یونگٹرکول آکھیے جو ملک اچ ہنگامی حالات دے نفاذ دے بعد 36 وےں ڈینھ وی مقامی طور تے وائرس دا کوئی نواں کیس سامنڑے کائنی آیا ،صرف قطر توں آونڑ آلے ڈو لوکاں اچ وائرس دی تصدیق تھی اے ۔ ڈوہیں لوکاں کوں قرنطےن کر ڈتا گئے ۔ رپورٹ موجب تھائی لینڈ اچ کورونا وائرس دے 3,171 کےسز ز سامنڑے آئے جڈاں جو 58 لوکاں دی وائرس پاروں موت تھئی اے ، 3,056 مریض صحت یاب تھئن ۔
