حکومت روزگاردے مواقع ودھاونڑ کیتے معیشت دے استحکام،نجی شعبہ دی ترقی تے ودھ توجہ ڈیندی پئی اے،وفاقی وزیرصنعت وپیداوارحماداظہردی پوسٹ بجٹ پریس کانفرنس

اسلام آباد۔ 13 جون (اے پی پی) وفاقی وزیرصنعت وپیداوارحماداظہرآکھیے جو حکومت روزگاردے مواقع ودھاونڑ کیتے معیشت دے استحکام،نجی شعبہ دی ترقی تے ودھ توجہ ڈیندی پئی اے۔حکومت دی قتصادی ٹیم دے رلے بعدازبجٹ پریس کانفرنس اچ انہاں ڈسائے جو حکومت روزگار ڈیونڑ دے وعدے تے پکی اے،معیشت کوں تکڑا کرنڑ کیتے نجی شعبے دی بحالی ضروری اے، پہلا ہدف معیشت کوں استحکام ڈیونڑ اے،ایں سانگے حکومت کاروباراچ سوکھ جھیں اقدامات کیتن جیندے نال ساڈی عالمی درجہ بندی اچ 28 پوائنٹ چنگائی تھئی اے،ایں سال اے بئی چنگی تھیسی،کاروبار ودھیے تاں برآمدات ودھین اتے 14فیصد ودھاراتھئے،چھوٹ کاروبار کوں سوکھ کیتے بجلی دے بلاں اچ رعایت ڈتی اے،چھوٹے کاروباری لوکاں کیتے 50ارب روپے رکھین،سٹیٹ بنک وی کئی اقدامات کیتن اتے نویاں سکیماں شروع کیتن،جیندے نال ساڈھے اٹھ لکھ توں ودھ کاروباراں فیدہ چاتے۔ انہاں آکھیے جوپچھلے سال دے مقابلے اچ سالانہ ترقیاتی پروگرام اچ 100ارب ودھارا تھئے جیندے نال ترقیاتی سرگرمیاں اچ تیزی آسی اتے روزگاردے مواقع وی ودھسن، تعیمراتی شعبہ دی ترقی تے وی ودھ توجہ ڈتی ویندی پئی اے جیندے کیتے کئیا قدامات کیتے ویندے پین تاں جوروزگار دے موقع نکلن۔