ملتان ۔ 2 جون (اے پی پی) سرائیکی صوبہ قائم کر تے رنجیت سنگھ دی ناجائز تجاوزات دا خاتمہ کیتا ونجے ۔ اسلامی جمہوریہ پاکستان اچ نواب مظفر خان دا دربار بنڑاونڑاں چاہیدے ۔ اے گال 2 جون سقوط ملتان اتے یوم شہادت نواب مظفر خان شہید دے حوالے نال سرائیکی جماعتاں ولوں منعقد کیتے گئے سیمینار دے موقع تے سرائیکی رہنماواں کیتا۔ایں موقع تے سرائیکی شعراءانقلابی کلام پیش کیتا۔ سرائیکستان صوبہ محاذ دے چیئرمین خواجہ غلام فرید کوریجہ ، شریک چیئرمین ظہور دھریجہ ، پاکستان سرائیکی پارٹی دے صدر ملک اللہ نواز وینس، سرائیکستان ڈیموکریٹک پارٹی دے چیئرمین رانا محمد فراز نون ، پاک سر زمین پارٹی دے رہنما کرامت شیخ ، نوابزادہ خان عامر خان سدوزئی ، احسان احمد خان سدوزئی، میاں عامر نقشبندی ، میاں عامر شہزاد صدیقی ، مخدوم اکبر ہاشمی ، حاجی احمد نواز سومرو، اکرم گھلو ، عنایت اللہ مشرقی ، عبدالستار تھہیم ، ملک طلال زوہیب، علامہ اقبال وسیم ، محمد بخش براٹھا ، ملک جاوید چنڑ، شریف خان لشاری ، عابد سیال ، حاجی عید احمد دھریجہ ، زبیر دھریجہ ، ثوبیہ ملک ، روبینہ بخاری ، حافظ واقف ملتانی ، عابد ظامی ، رضوان قلندری ، مقبول کھرل ، حاجی عبدالغفار چاچڑ، جمیل علی ، صغیر بھٹہ ، جعفر شاہ ، شعیب نواز بلوچ، سرائیک خان ملتانی، مبشر چوہدری ، خواجہ شعیب الحسن ، مولانا قاری محمد حنیف تے بئیں خطاب کریندے ہوئیں آکھیے جو رنجیت سنگھ دے قبضے کوں نی منیندے ، وسیب دی شناخت اتے پوری حدود تے مشتمل صوبہ سرائیکستان دا قیام عمل اچ گھن آیا ونجے ۔ انہاں آکھیے جو نواب مظفر خان شہید اپنڑی آل اتے ملتان دی سپاہ دی قربانی ڈتے ڈتی مگر حملہ آور رنجیت سنگھ دے سامنڑے ہتھیار نہ سٹ تے ملتان تے مسلماناں دا ہمیشہ کیتے سر اچا کیتا ۔ انہاں آکھیے جو اساں چیھکڑی ساہ تئیں سرائیکستان دی واگزاری کییتے جدوجہد کریسوں ۔ ایں موقع تے قلعہ کہنہ قاسم باغ تے رنجیت سنگھ دا پتلا ساڑیا گیا۔
