اسلام آباد۔اے پی پی(17 جون 2020ء)سرائیکی عوامی تریمت تحریک مرحوم سلیم شہزاد دی مکانڑ تے افسوس کریندے ہوئے آکھے جودیرہ اسماعیل خان توں رحیم یار خان تئیں 23 ضلعیاں دے صوبہ سرائیکستان دی تحریک دی موئثر آواز اساݙے ماݨ تے فخر سلیم شہزاد سئیں سرائیکی ثقافت تے ادب دے ودھارے سانگے ݙینہہ رات سرگرم رہندے ہن ـ انہاں دی سرائیکی تحریک کیتے خدمات سرائیکی تاریخ دا روشن ورقہ ہن ـ ماء دھرتی دے عظیم پُتر سلیم شہزاد سئیں دے اچݨ چیت وچھوڑے تے سمورا وسیب مکاݨی اے ـ وچھوڑے دی ایں گھڑی ءچ اساں دیرہ اسماعیل خان دے بھیݨیں بھرانواں تے مرحوم دے وارثاں نال ݙکھ دی سانجھ کریندوں ـاللہ سئیں دا بخش ہوونیں تے اساڈی بھرپورکوشش ہوسی جیڑھا ڈیوا انھاں بالیا ہئی اونکوں وسمنڑ نہ ڈیسوں۔
