مظفرگڑھ ۔10 جون (اے پی پی)سوشل میڈیا تے وائرل تھیونڑ آلی ویڈیو جئیں اچ مظفر گڑھ دی تحصیل علی پور دا ہک ست سال دا بال محمد عدنان جیڑھا جو جتی پالش کریندیں ہوئیں ڈکھیا گئیا ہئی جئیں تے ڈپٹی کمشنر مظفرگڑھ امجد شعیب خان ترین فوری نوٹس کریندیں ہوئیں سی ای او تعلیم کوثر حسین شاہ بخاری کوں ہدایت ڈتی جو بال کوں گولیا ونجے،جئیں تے سی او تعلیم کوثر حسین ہک ڈینھ دے اندر بال محمد عدنان اتے اوندے پئیو طارق حسین کوں گولیا اتے ڈپٹی کمشنر امجد شعیب خان ترین ڈے پیش کیتا۔ڈپٹی کمشنر ’ محمد عدنان کوں گورنمنٹ ایلمنٹری سکول علی پور اچ نہ صرف داخل کرایا بلکہ اونکوں کتاباں،کاپیاں،سکول بیگ اتے یونیفارم وی ڈتی اتے اوندے پئیو کوں گھر دے خرچے سانگے پنج ہزار روپے ڈتے اتے عہد گھدا جو او بال توں کہیں قسم دی مزدوری کائنا کرویسی اتے اونکوں سکول بھجیسی۔ ڈپٹی کمشنرآکھیا جو تعلیم ہر بال دا حق اے اتے سرکاری سکول اچ تعلیم مفت ڈتی ویندی اے۔
