اسلام آباد ۔ 29 جون (اے پی پی) صدر مملکت ڈاکٹر عارف علوی کراچی سٹاک ایکسچینج تے دہشت گرداں دے حملے دی مذمت کریندے ہوئیں جان تے کھیڈ تے دہشت گرداں دا حملہ ناکام بنڑاونڑ آلے سکیورٹی گارڈز کوں خراج عقیدت پیش کیتے ۔ سنوار کوں اپنڑے بیان اچ صدر مملکت آکھیے جو دہشت گردی تے قابو پاونڑ تے منڈھوں مکاونڑ اچ سیکورٹی فورسز دا کردار قابل تحسین اے ۔ انہاں آکھیے جو دہشت گرد اپنڑے مذموم مقاصد اچ کامیاب نی تھی سگدے ۔ پاکستان دہشت گردی کوں منڈھوں مکاونڑ کیتے پرعزم اے ۔
