قابض بھارتی فوج دے ہتھوں 9کشمیری نینگراں دی شہادت ظلم دی انتہا اے، اقوام عالم کوں انسانیت دے خلاف بھارتی جرائم دا نوٹس گھننڑاں پوسی، وفاقی وزیر اطلاعات و نشریات سینیٹر شبلی فراز

اسلام آباد ۔ 9 جون (اے پی پی) وفاقی وزیر اطلاعات و نشریات سینیٹر شبلی فراز آکھیے جوقابض بھارتی فوج دے ہتھوں 9کشمیری نینگراں دی شہادت ظلم دی انتہا اے۔ اپنڑے جمہوری حق کیتے نہتے احتجاج کریندےکشمیریاں تے پیلٹ گنز، آنسو گیس اتے بئے ظلم انسانیت دے خلاف بھارت جرائم دا منہ بولیندا ثبوت ہن جیں دا اقوام عالم کوں ہر صورت اچ نوٹس گھننڑاں ہوسی ۔ منگل کوں اپنڑے ٹویٹ اچ سینیٹر شبلی فراز آکھیے جو بھارت جبرو استبدادتوں کشمیریاں دے خود ارادیت دے حق دی عظیم جدوجہد دا رستہ نی روک سگدا ، کشمیری اپنڑی منزل حاصل کرتے رہسوں۔ انہاں آکھیے جو پوری دنیا کورونا وائرس دی وبا پاروں برسر پیکار اے تاں ڈوجھے پاسوں بھارت مظلوماں تے ستم ڈھا تے بنیادی انسانی حقوق کھس گھدن ، بھارت دا انتہا پسند بتھاڑ دنیا دے سامنڑیں نشابر تھی گئے۔