مشیر برائے تجارت عبدالرازق داود دی افغانستان دے سفیر عاطف مشعل نال ملاقات،طورخم اتے چمن بارڈر ٹرانزٹ تجارت کیتے کھولنڑ بارے الوائے

اسلام آباد ۔ 20 جون (اے پی پی)وزیراعظم دے مشیر برائے تجارت عبدالرازق داود دی افغانستان دے سفیر عاطف مشعل نال ملاقات تھئی اے جیندے اچ طورخم اتے چمن بارڈر ٹرانزٹ تجارت کیتے کھولنڑ بارے الوائے۔اپنڑے ٹویٹ اچ مشیر تجارت عبدالرازق داودڈسائے جو طورخم اتے چمن کوں ٹرانزٹ تجارت کیتے ہفتے اچ چھی ڈینھ کھولنڑ کیتے ھکومتی فیصلہ بارے ڈسائے جڈاں جو تریجھا تجارتی راستہ غلام خان وی کھولیا ویندا پئے۔ انہاں آکھیے جو 22 جون توں کووڈ-19 سانگے افغانی درآمدات کوں وی تریے کراسنگ پوائنٹ تے اجازت ہوسی۔ انہاں ڈسائے جو افغان سفیراگست اچ تجارتی وفد نال دورہ افغانستان دی دعوت ڈتی اے جڈاں جو پاکستان افغانستان ٹرانزٹ تجارت معاہدہ بارے مذاکرات ولو شروع کرنڑ تے وی گالھ تھئی اے، افغانستان دے رستے غیر قانونی درآمدات روکنڑ کیتے بئے حفاظتی اقدامات تے اتفاق کیتا گئے۔