اسلام آباد ۔ 27 جون (اے پی پی)کوٹ ادو دے علاقے نور شاہ طلائی دے نیڑے افسوسناک ٹریف حادثہ،4نینگر فوت تھی گین، ڈو شدید زخمی،حادثہ کار اتے موٹر سائیکل دی ٹکر پاروں تھئے،کاردرخت نال ونج ٹھاکی،ڈو موٹر سائیکل سوار وی موقع تے موئن،تونسہ شریف دے محمد عبداللہ عرف کریمی خلیفہ،محمد عرفان عرف جگنو خوجہ موقع تے فوت تھین ،بلال خٹک اتے محمد علی شدید زخمی، نشتر منتقل کر ڈتا گئے۔ریسکیوذرائع موجب حادثہ نورشاہ طلائی دے نیڑے ملتان ویندے ہوئے ہید محمد والا توں پہلے تیزرفتاری پاروں تھئے جڈاں موٹر سائیکل سوارآمنڑے سامنڑے ہنڈا گاڈی نال ونج ٹھاکین اتے کار بے قابو تھی تے لئی دے درخت نال ونج ٹھاکی جیندے نال تونسہ شریف دے رہائشی محمد عبداللہ عرف کریمی خلیفہ،محمد عرفان عرف جگنو خوجہ موقع تے فوت تھین جڈاں جوبلال خٹک اتے محمد علی شدید زخمی تھین جنہاں کوں نشتر ہسپتال ملتان ریفر کر ڈتا گئے۔زخمیاں دی حالت چنتے آلی ڈسائی ویندی اے۔حادثے اچ ڈوہیں موتر سائیکل سوار وی فات تھین جنہاں دی سنجانڑ نئیں تھی سگی۔حادثے دا سنڑ تے پورے تونسہ شہر اچ سوگ دی فضا اے اتے شہریاں فوت تھیونڑ آلیاں دی مغفرت دی دعا کیتی اے۔
