اے مائنس ون دی گالھ ایں سانگے کریندن اے چاہندن جو عمران خان کوں کڈھ کراہیں انہاں دی کرپشن بچ ویسی،میںمائنس تھی وی گئیا تاں اے کائنا بچسن،کرسی آونڑی ونجنڑی شئے اے،کڈاہیں کائنی آکھیا جو میں ضروری ھم پر جے تئیں اپنڑے نظریے اتے اصولیں تے اساں کھڑسوں کوئی اساڈ اکجھ نی کر سگدا،ملک دا جتنا ضیان پاکستان دی لیڈرشپ کیتے دشمن وی نی کر سگدا،کراچی اسٹاک ایکسچینج تے حملے بارے ساکوں کوئی شک کائنی جو اے بھارت کروائے ،اساڈی ایجنسیاں ہائی الرٹ ہن،ایں سانگے چار وڈے واقعات کوں ناکام بنڑا ڈتا گئے،ہک جذبے نال بجٹ دی منظوری اچ حصہ گھنڑ تے پارٹی دے ارکان اسمبلی اتے اتحادیاں دا شکریہ اداکریندوں،اجوکا مالی سال دا بجٹ اوکھے حالات اچ بنڑایا گئے جئیں تے میں اپنڑی ٹیم دا شکریہ ادا کرینداں اتے انہاں کوں خراج تحسین پیش کرینداں
اسلام آباد ۔ 30 جون (اے پی پی) وزیراعظم عمران خان آکھیا جو اے مائنس ون دی گالھ ایں سانگے کریندن اے چاہندن جو عمران خان کوں کڈھ کراہیں انہاں دی کرپشن بچ ویسی،میںمائنس تھی وی گئیا تاں اے کائنا بچسن،کرسی آونڑی ونجنڑی شئے اے،کڈاہیں کائنی آکھیا جو میں ضروری ھم پر جے تئیں اپنڑے نظریے اتے اصولیں تے اساں کھڑسوں کوئی اساڈ اکجھ نی کر سگدا،ملک دا جتنا ضیان پاکستان دی لیڈرشپ کیتے دشمن وی نی کر سگدا،کراچی اسٹاک ایکسچینج تے حملے بارے ساکوں کوئی شک کائنی جو اے بھارت کروائے ،اساڈی ایجنسیاں ہائی الرٹ ہن،ایں سانگے چار وڈے واقعات کوں ناکام بنڑا ڈتا گئے،ہک جذبے نال بجٹ دی منظوری اچ حصہ گھنڑ تے پارٹی دے ارکان اسمبلی اتے اتحادیاں دا شکریہ اداکریندوں،اجوکا مالی سال دا بجٹ اوکھے حالات اچ بنڑایا گئے جئیں تے میں اپنڑی ٹیم دا شکریہ ادا کرینداں اتے انہاں کوں خراج تحسین پیش کرینداں۔بجٹ توں ہک رات پہلے ٹی وی شوز اچ اینویں ڈکھیا گئیا جو کجھ وی تھی سگدے اتے اے حکومت دا چھیکڑی ڈینھ اے۔وزیراعظم آکھیا جو تریمتیں ارکان دا شکریہ ادا کریندوں جیڑھی جو ایوان دی کاروائی اچ حصہ گھدنیاں پئن۔میں اقلیتاں دا وی شکریہ ادا کرینداں۔وزیراعظم اپنڑے خطاب دے شروع اچ آکھیا جو میں انہاں کوں خراج تحسین پیش کرینداں جنہاں کل کراچی اچ اپنڑی جاناں دی قبرانی ڈے کراہیں دہشت گردی دے منصوبے کوں ناکام بنڑائے، سب انسپکٹرشاہد شہید، سٹاک ایکسچینج دے محافظاں افتخار، خدایار حسن علی بہوں وڈی قربانی ڈتی اے۔انہاں آکھیا جو اساڈی سکیورٹی فورسز قربانیاں ڈے کراہیں ملک کوں ہک وڈے سانحے توں بچائے ۔ہندوستان پاکستان کوں عدم استحکام نال ڈو چار کرنڑ چاہندا ہئی اتے ہک وڈا منصوبہ بنڑایا ہئی ،دہشت گرد وڈی تعداد اچ اسلحہ گھن کراہیں آئے ہن،اے ممبئی طرز دے حملے کر تے اتے بے قصور لوکاں کوں قتل کر تے پاکستان کوں عدم استحکام اتے بے یقینی دا شکار کرنڑ چاہندے ہن۔وزیراعظم آکھیا جو اجوکے مالی سال دا بجٹ اوکھے حالات اچ بنڑایا گئے ،وباءتوں پہلے 4900ارب دی محصولات پاسے سفر جاری ہئی ،پہلے نو مہینے اچ محصولات اچ 17فیصد ودھارا تھیے،ساکوں کورونا پاروں بہوں روڑے اتے اوکھ تھئی اے۔وزیراعظم آکھیا جو پاکستان اچ لاک ڈاﺅن پاروں جیڑھے مسئلے تھین،جیڑھے لوک لاک ڈاﺅن دے حمایتی ہن او کڈاہیں کچی وستیاں اچ کائنی گئے جتناں ہک کوٹھے اچ اٹھ اٹھ بندے رہندن،یورپ کوں ڈیکھدیں ہوئیں لاک ڈاﺅن کیتا گئیا،میں پہلے ڈینھ توں پورے لاک ڈاﺅن دی حمایت اچ کائنا ہم۔انہاں آکھیا جو حکومت ایس اوپیز دے تحت معیشت کھولنڑ دا فیصلہ کیتے،اج سارا جگ سمارٹ لاک ڈاﺅن آلے پاسے ویندا پئے ،اساں کڈاہیں کنفیوژن اچ کائنی پئے ۔وزیراعظم ثانیہ نشتر اتے انہاں دی ٹیم کوں مبارک ڈتی جنہاں گھٹ ویلھے اچ بہوں ودھ پیسہ شفاف طریقے نال ضرورت منداں تئیں پجایا جئیں دی سارے جگ اچ مثال نی ملدی۔انہاں آکھیا جو ساریاں کوں قانون تلوں گھن آونڑ میڈا مشن اے،نوازشریف،اتے آصف زرداری دے شوگر ملاں ہن،کالے دھن کوں چٹا کرنڑ سانگے شوگر ملز بنڑائی ویندیاں رہین،اساں ہر جاہ تے تحقیقات کریسوں اتے جنہاں عوام کوں لٹیے انہاں دے پچھوں ویسوں۔وزیراعظم آکھیا جو انہاں ہر جاہ تے اتے ہر فورم تے پاکستاں کوں مدینہ دی ریاست دی طرز تے کرنڑ دی گالھ کیتی اے،جنرل اسمبلی دے خطاب اچ وی آکھیا جو اسلام چوڈہ سو سال پہلے تریمتیں اتے اقلیتاں کوں حقوق ڈتے ہن،مدینہ دی ریاست دی ساریاں توں اہم گالھ انسانیت دی گالھ ہئی،نبی کریمﷺ آخری خطبے اچ آکھیا ہئی جو سارے انسان برابر ہن اتے سارے حضرت آدم دی اولاد ہن،اج امریکا اچ کالےاں کوں او حقوق نی ڈتے ویندے پئے جیڑھے اسلام چوڈہ سو سال پہلے ڈتے ہن۔
