اسلام آباد ۔ 4 جون (اے پی پی) وزیر خارجہ مخدوم شاہ محمود قریشی ’ دفتر خارجہ اچ اصلاحاتی اقدامات دے تحت پبلک ڈپلومیسی مشاورتی گروپ بنڑا ڈتے۔ممتاز سکالرز، فیلڈ سپیشلسٹ اتے سابق سفیراں دا اے گروپ وزیرخارجہ توں پاکستان دے بھرپور ثقافتی،ادبی ،کھیڈاں اتے فنون لطیفہ دے ورثہ سمیت عوامی سفارتکاری دے مختلف پہلوں تے مشورہ کریسی۔ایں توں علاوہ ڈیجیٹل ڈپلومیسی، ثقافتی ڈپلومیسی اتے سپورٹس ڈپلومیسی دے ترجیحی شعبیاں اچ پیشرفت سانگے ودھیکی ورکنگ گروپس اتے کمیٹیاں بنڑائی ویسین۔ایں گروپ دے ارکان اچ وفاقی وزیر برائے قومی تاریخ و ادبی ورثہ اتے وفاقی وزیر تعلیم تے پیشہ وارانہ تربیت شفقت محمود سمیت سابق سینیٹر جاوید جبار، سفیر ضمیر اکرم، سفیر تسنیم اسلم، سفیر شاہد کمال، ایمران اختر، شہزادے عالم اتے سیلینا راشد شامل ہن جڈانجو ڈائریکٹر جنرل قومی اسمبلی اتے سینیٹ دے امور شکیل اصغر فوکل پرسن دی حیثیت نال کم کریسن۔
