اسلام آباد ۔ یکم جون (اے پی پی) وفاقی وزیرقانون و انصاف بیرسٹر فروغ نسیم اپنڑے عہدے توں مستعفی تھی گئن ۔او جسٹس قاضی فائز عیسیٰ دے خلاف صدارتی ریفرنس اچ وفاق دی نمائندگی کریسن ۔سنوار کوں اپنڑے بیان اچ انہاں آکھیے جو میں جسٹس قاضی فائز عیسیٰ دے خلاف صدارتی ریفرنس اچ وفاق دی نمائندگی کریساں تے ایں کیتے میں وزیر قانون دے عہدے تے استعفی ڈتے ۔انہاں آکھیے جو میکوں معزز ججز تے عدلیہ دا احترام اے ۔ وزیر قانون دی حیثیت نال میں ہمیشہ قرآن ، حدیث ، آئین پاکستان اتے قانون دی رہنمائی اچ فیصلے کیتن اتے میں کڈاہیں کوئی ایجھا کم نئیں کیتا جیرھا جو قانون دی حکمرانی دے منافی ہووے ۔ انہاں آکھیے جو میں معزز عدالت اچ معاونت کیتے صرف ہک وکیل دی حیثیت نال پیش تھیساں ۔
