اسلام آباد ۔ 20 جون (اے پی پی) وزیر خارجہ شاہ محمود قریشی آکھیے جو پاکستان جگ اچ مہاجرین کیتے یو این ایچ سی آردے کردار دی تعریف کریندے،پاکستان افغان مہاجرین اتے میزبان برادریاں کیتے یو این ایچ سی آردی اپیلاں دے مثبت ردعمل دا تانگھی اے۔پناہ گزیناں دے عالمی ڈینھ تے اپنڑے سنیہھے اچ وزیر خارجہ شاہ محمود قریشی آکھیے جو پاکستان چالہی سال توں افغان مہاجران دی مہمان نوازی کر تے کھلے دل،محبت اتے یکجہتی ڈکھائی اے،پاکستان عالمی ذمہ داریاں ونڈنر دے اسول اتے افغانستان دے پائیدار اتے تیکھے پرامن حل دا عزم کریندے،ایں سال کرونادے تباہ کن اثرات تشدد اتے جھیڑیاں پاروں بے گھرلوکاں دے مسلے ودھا ڈتن،اج مہاجرین اتے میزبان برادریاں کوں مشترکہ ذمہ داری کیتے عالمی امداددی لوڑھ اے،ایں وبا اچ افغان مہاجرین وی ساڈی صحت اتے بیاں خدمتاں توں بغیر کہیں وانجھ دے فیدہ چیندے پین۔
