اسلام آباد ۔ 27 جون (اے پی پی) وفاقی وزیر پٹرولیم عمر ایوب خان اتے وزیراعظم دے معاون خصوصی پٹرولیم ندیم بابراسلام آباد اچ پریس کانفرنس کریندے آکھیے جو پاکستان اچ پٹرولیم مصنوعات دیاں قیمتاں اچ اجوکا ودھاراعالمی منڈی دی نسبت حالی وی گھٹ کیتا گئے،اکتالی دی بجائے صرف 25 فیصدملھ ودھایا گئے،مافیاز نال مقابلہ کریسوں، آئل مارکیٹنگ کمپنیاں اتے پٹرول پمپ مالکان دا نیت ورک تروڑن کیتے اوگرا کوں تکڑا کیتا ویسی۔انہاں آکھیے جو پچھلے 46 ڈینھ اچ عالمی منڈی اچ تیل دی قیمت 112 فیصدودھی اے،تہوں پاکستان اچ وی ملھ ودھاونڑا پئے، پاکستان اچ پٹرول مصنوعات دی قیمت تقریباً 25 فیصدودھائی گئی اے،اساں مافیاز اتے ذخیرہ اندوزاں نال مقابلہ کریسوں،انہاں کوں بے نقاب کیتا ویسی،آئل مارکیٹنگ کمپنیاں دے لائسنس منسوخ کرنڑ کیتے اوگرا کوں تکڑا کریسوں،غیر قانونی پمپاں دے خلاف کارروائی کیتی کیتی ویسی، ایں سانگے اوگرادے جرمانے بہوں گھٹ ہین۔انہاں آکھیے جو تریھ ڈینھ اچ آئل ڈپوزدے اعداد و شمار براہ راست ملسن،ملک اچ آئل ریفائنریاں کی اپ گریڈیشن دی لوڑھ اے،اساں اپنڑے اثاثیاں دی تفصیل جمع کرا ڈتی اے جیکر وزیراعظم چاہون تاں ایکوں پبلک کر ڈیون،حقائق سامنڑے آونڑے چاہیدن،وزیراعظم عمران خان مافیازدی کنڈھ بھنڑ اتے تور پچاونڑ دا آہدن،اساں عوام دی رت پیونڑ آلے مافیا کوں سروں نہ چھڑیسوں۔انہاں آکھیے جوگیس کنکشن دا ترائے لکھ دا کوٹی ودھایا ویسی،قوانین اچ تبدیلیاں گھن آیاں ویسن۔
