پروفیسر شوکت مغل ی وفات نال سرائیکی علمی تے ادبی خلاءکڈاہیں پُر کائنا تھیسی،سرائیکی ادبی تے ثقافتی تنظیماںولوں انہاں دے انتقال تے ڈکھ تے افسوس

اسلام آباد۔05جون (اے پی پی )سرائیکی وسیب دی علمی،ادبی ،ثقافتی تے سماجی صدارتی ایوارڈ یافتہ شخصیت ماہرلسانیات پروفیسر شوکت مغل دی اچاچیت وفات پورے سرائیکی وسیب سودھا پاکستان دے سارے تعلیمی حلقیاں اچ ڈکھ دی فضاءبنڑائی اے۔انہاں دی وفات نال سرائیکی علمی تے ادبی خلاءکڈاہیں پُر کائنا تھیسی،انہاں کئی تحقیقی مضامین کتاباں اتے لغت دے نال نال فریدیات اچ وی بہوں خدمات نبھائن۔او سرائیکی ادبی بورڈ رجسٹرڈ ملتان دے صدر ہن۔ساری سرائیکی ادبی تے ثقافتی تنظیماں انہاں دی وفات کوں سرائیکی زبان تے ادب سانگے بہوں وڈا ضیان قرار ڈتے۔ایں موقع تے ڈین فیکلٹی آف آرٹس تے چیئرمین سرائیکی شعبہ IUBپروفیسر ڈاکٹر جاوید حسان چانڈیو،ایم پی اے میاں گزین عباسی،ڈاکٹر ریاض خان سندھنڑ،ڈاکٹر صفدربخاری،ڈاکٹرممتاز بلوچ،پروفیسر ڈاکٹر سیف اللہ جامی،ڈاکٹر خالد اقبال،ڈاکٹر مقبول حسن گیلانی ،ڈاکٹر آصف جہانگیر،حفیظ خان،پروفیسر جہانگیر مخلص،پروفیسر رفعت عباس،ڈاکٹر نسیم اختر،پروفیسر الطاف خان ڈاہر،پروفیسر قدسیہ سلم،پروفیسر عصمت اللہ شاہ،پروفیسر فیاض نائچ،پروفیسر بدر مسعود،پروفیسر راشد رسول،پروفیسر وزیرچنڑ،پروفیسر ساحر رنگ پوری،دلشاد نواز بھٹی،عبدالباسط بھٹی،شاہد عالم شاہد،اعجاز الرحمن بلوچ ڈکھ تے افسوس کیتے۔